Нұр-Сұлтан қаласында Тасымалдаушылардың шешімі бойынша, 2021 жылдың 1 мамырынан бастап, SMS төлемі өшірілді

Артқа
Құрметті жолаушылар, 1 мамырдан бастап көлік кодын SMS-пен жолдау арқылы жолақыны төлеудің қолма-қол ақшасыз қызметі өшірілетінін естеріңізге саламыз.

Бұл қызметті өшіру туралы шешім Тасымалдаушылардың жол ақысын төлеуден бас тартатын жолаушылар туралы көптеген өтініштері негізінде қабылданды. Кейбір жолаушылар осылайша тексерушілерді көргенде ғана SMS көрсетеді. Сондай-ақ байланыс операторларының қызметіндегі жиі орын алатын ақаулықтар да себеп болды.

Қызметтің өшірілуі туралы ақпаратты байланыс операторларына өткен жылғы желтоқсанда хабарладық. Оларға өз қосымшаларында QR-код арқылы төлем функциясын енгізуге уақыт берілді. Қазіргі уақытта бұл мүмкіндік барлық қосымшаларда бар және пайдалануға дайын.

Статистикаға келетін болсақ, 2020 жылы QR кодымен төлемдер үлесі елордадағы жалпы жолаушылар легі көлемінде 15,6% құрады, SMS - 12,4%. 2021 жылы QR-код арқылы төлемдер үлесі 29% құрайды, ал SMS арқылы төлемдер үлесі - 12%.
Нұр-Сұлтан қаласында Тасымалдаушылардың шешімі бойынша, 2021 жылдың 1 мамырынан бастап, SMS төлемі өшірілді